Letra de Argazki Bat Zuri Beltzean

haize uhinek sortutako
hosto koroak soilik
nasaren hozkirrian
goroldioak estalitako
horma zaharren baitan.
han behean, trenbidea...
herdoildutako orratz zurrunek
noizbait erakutsi trenaren
iraganean irmoturik
esfera zuriko erlojuan,
noizbait berpiztuak izateko zai;
zai egotea besterik
eskatzen ez duen
gotorleku samin honetan.
han behean, trenbidea
eta ez dakit
badoan ala badatorren
iraganeko trenaren zai nago
haren sabelak
zu erdituko zaituelakoan,
amodioa iheskor.