Cancion : Marijuhana für'n Herrn Zimmermann (Für die Mama)
Artista : Hans Söllner
Album : Hey Staat
Url : https://www.letras10.co/letra-marijuhana-furn-herrn-zimmermann-fur-die-mama-de-hans-sollner


Jetz is a so, i muaß oiwei wahnsinnig aufpass'n, wenn i so a konzert hob, wei, i kriag a do a nit a so vui gage, und..wenn i jetzt a so o'fong , wia da herr gauweiler z.b. der hot mi'a jetzt scho mindastens wieda'2500,- mark 'kost, heit. ....ja, des is jetz'a, i rech'n dawei'so im kopf mit so, ganz... ich überschlog des awei'ja, jetzt samma bei "vier'a'holbe". jetzt muaßt aufpass'n, weil sunst bleibt da nix mehr üb'rig zum tanken, zum hoam'foarn. do hob i ma no'oan 20er leih'n, damit i hoamkim', is ma a z'bled. des nächste liad hoaß't: marijuhana für'n herrn zimmermann, und mit dem untertitel, weil sich mei muatta amol beschwert hot, weil i für sie überhaupt nix hob, auf meine platt'n und so, ..fürn papa host so a schean's liad g'schrieb'n, hot's gsogt, und für mi host überhaupt nix...., jo, hob i g'sogt, guat dann laß ma den titel "marijuhana für'n herrn zimmermann, nenn'ma des nächste liad: marijuhana für die mama. .............i hob a geile familie dahoam............lauta a'soziale!
Hey zimmermann, hoarch zua
I muass da was verzähln
Oh mann, do brich'i jo glei zamm
I hob di letzte woch, amoi im fernseh'n g'segn
Oh mann, do brich'i jo glei zamm
Do worst so dermass' besoffen
Hosst bloss no g'lallt und bled g'locht
Oh mann, hey, do brich'i jo glei zamm
Oba mir, mechst du va'zähln
Dass marijuhana, deppat mocht
Oh mann, hey, do brich'i jo glei zamm
Beim starkbier-anstich im nocka'berg
Do flaggerns ummanand
Oh mann, do brich'i jo glei zamm
Wenns überhaupt no'geh'kennan's
Dann gengan's bloss zum kotz'n 'naus, vor's haus
Oh mann, hey, do brich'i jo glei zamm
Die elite uns'res landes
Versauft des biss'l hirn, des hab'n
Oh mann, do brich'i jo glei zamm
Jo leit, aber uns mechtn's va'zähln
Von marijuhana werd ma bled
Ouu.., do brich'i jo glei zamm
Marijuhana, für die mama, marijuhana, für's kind
Und da opa, raucht's gegn's rheuma
Weil er nit gern pillen nimmt
Marijuhana, für'n herrn zimmermann
Den zwing'ma, dass er's raucht
Marijuhana, setzt's gehirn in gang
Des is genau des, wos er braucht
Am oktoberfest, letz's joh'r
Hobt's do an gauweiler g'seg'n
Oh mann, do brich'i jo glei zamm
Total aufg'schwemmt, scho'so süchtig
Dass er büchs'n-bier sauft
Oh mann, do brich'i jo glei zamm
Macht er no'werbung für sein dealer
Mit an kruag vom hofbrei'haus
Oh mann, hey, do brich'i jo glei zamm
Aber mir mecht er va'zähl'n, alle süchtigen hob'n aids
Oh mann, hey, do brich'i jo glei zamm
Da wieshoi, hot do foah'rt, im suff
De leit, tot auf da str0ss
Oh mann, hey, do brich'i jo glei zamm
Und da weigl, hot im rausch
G'setz von der quellensteuer g'mocht
Oh mann, hey, do brich'i jo glei zamm
Und an alaska, hob'ma g'seg'n
Wos dabei rauskimmt, wonn ma sauft
Oh mann, do brich'i jo glei zamm
Jo, oba uns mechtn's vazähln, von marijuhana, we'd ma bled
Oh mann, hey, do brich'i jo glei zamm
Marijuhana, für die mama, marijuhana, für's kind
Und da opa raucht's gegn's rheuma
Weil er nit gern pillen nimmt
Marijuhana, für'n herrn zimmermann
Den zwing'ma, dass er's raucht
Marijuhana, setzt's gehirn in gang
Des is genau des, wos er braucht
Marijuhana, is a droge, de so alt is, wia de wöid
Oh mann, hey, do brich'i jo glei zamm
Legalisiert's es endlich
Und koa mensch va'dient mehr damit geld
Oh mann, hey, do brich'i jo glei zamm
Und marijuhana, mocht net süchtig, so wia alkohol
Oh mann, hey, do brich'i jo glei zamm
Aber dos schnollt's ihr nimm'a
Ihr hobt's eich scho'bled gsoff'a, do drob'n
Oh mann, hey, do brich'i jo glei zamm
Marijuhana, für die mama, marijuhana, für's kind
Und da opa raucht's gegn's rheuma
Weil er nit gern pillen nimmt
Marijuhana, für'n herrn zimmermann
Den zwing'ma, dass er's raucht
Marijuhana, setzt's gehirn in gang
Des is genau des, wos er braucht


========================== Letra descargada de Letras10.co ==========================