Letra de A Hos, a Katz

Er schaud an d'Ecken, wos an da Dofe bassian doud geid erm am oasch vorbei
Er loud se lecken am seibigen, aba da Lehra finds goaned geil
Aus dia wiad amal nix wern, wennsd de ned konzentrian dousd und lernsd
Gloana, as lem wiad fei scho bald ernsd, wennsd aus da Schul kommsd und brav vokehrsd
Oba bei deina Erscheinung und dera Einstellung des hosd steisd voa am Problem
Allawei steisde daquer, stei de doch amol gscheid hi
Ja i glaub du spinnsd a weng, de Schul is a purer Stress
Dahoam hauda de Schuidaschn hinde ins Eck
Sei bsoagde Muada, ja de mechd doch bloß das ia Kind es endlich amol checkt das, wenn ma se ned obassd und eireid koana zu oam kuma doud mid am high five
Des wa ja so wichdig wos anane leid pfeifan und ihr denker begreifds glei
Im Schulhof gibds nix zum seng
Du soisd fiare zum Lehra schaua ned do drausn im greana sondan dofoan speid de musik
Wara frei wei de viecha do drausd do dada se ned ergan laua
Wenns na frong wosa wern wei wena grous is singda a Liad
A Hos, A Katz, a Spotz, a Ratz, A Hehna, a Pfau, a Brema oda a Sau
De Haua hoda se 10 joa ned gschnien, er geid ibarou bloß boafousd hi
Des Loch in da Hosen gherd se gflickt, erm is so a graffl hoid wuaschd
Der Buasch, der scherd se nix
Ziach da mou wos gscheids o, richd da moi de hoa hi, du nimmsd des alles fei z leichd, streng de amol gscheid o, hald da mol dein oasch hi, weida kemma doud ma bloß mid fei fleiß
Doch in seina Realität gibts koa Schicksal zum erreichen, da mouma da Welt nix beweißen, koane Regeln gibts zum begreifen, er segd an unendlichen Fluss und er laud se am leibsdn drinnad treiben
Fern vo Autoritätnwerten darf er nie seine Finga deidn
Dou liegt a Koufladen af dem Schwammerln wachsen midn af seim Weg
Er geid a wengl nada hi und sogd wos soi des, de schaun aus ais wans vozaubert, dou is bestimmt wos dra
A maul voi douda nehma und na herda wei sei innere Stimme erm sogd: Du bisd...
A Hos, A Katz, a Spotz, a Ratz, A Hehna, a Pfau, a Brema oda a Sau
A Hos, A Katz, a Spotz, a Ratz, A Hehna, a Pfau, a Brema oda a Sau