Letra de Aawiisige

Sötted ihr hüt Zobig emol unbedingt müesse lache
Wäri froh, wenner eu chönted umdreihe und nach hinde lache
Es goht öpis ume und i wär froh, wenn i ned di ganze Bakterie do vorne hettiUnd no e chlini technischi Aawiisig: Wär ufs WC muess, eifach da hinde use und links
Die wo gnueh hend vom Läbä eifach den "Exit"-Täfeli noh

I bi überhaupt froh, dass i hüt ha chöne cho, well
Woni de Vertrag scho unterschriibe ha für de hütig Obig
Hani i de Agenda gseh, dass a dem Datum scho en andere Uftrit gstande isch
Aber ich ha mer de e neui Agenda kauft und det isch de Termin no frei gsi
Ich bi jo hüt t Schwangerschaftsverträtig vom Marco Rima
Ich ha aber zum Zmittag öppis gässe, wo glaub ned so guet gsi isch
Also scho de ganz Tag isch mer scho chli schlecht
Also insofern wirds hüt für die erst Reihe sehr spannend

Bi aber froh hets e so vil Lüüt, worschindli isch jo eifach s Fernsehprogramm hüt eso schlecht gsi
Allerdings mis isch ned besser
Da isch jo wahnsinnig, wa die efang im Fernseh bringed, oder?
Da glaubsch jo fast ned, oder?
Also mängisch hock ich stundelang vorem Fernseh und denk mer: "Wär luegt so en Seich?"

Ich bi aber hüt no echli müed, well ich ha hüt die ganz Nacht träumt, ich chöni schloofe
De hütig Obig isch imfall e Benefiz-Obig, de Erlös goht at Aktion "Brot für Peach"
De Schinke hani scho
Zur Feier des Tages hani hüt mini schönste Chleider aagleit
Mer gsehtnes zwor ned a, aber es sind mini schönste

Ich würd au gern mine Sponsore no danke, wenn ich Sponsore het
Gar eine hani, da isch t Spitex
Ich bi jo es Bispiil defür, dass mer au im höche Alter no öppis sinn-, jo guet
Aber es git jo immer wieder Lüüt wo echli es Vorurteil hend geg mich, oder?
Die hend so s Gfühl, ich seg echli Aga und ned eso gschid und so und
I mein, ich wott jo ned blöffe, aber ich ha letzt Wuche bewiise
Dass im Kampf vo Mänsch gege Maschine doch de Mänsch cha gwünne
Well ich ha brutal gwunne im Schach geg min Toaster

Leider isch au öpppis Piinlichs passiert: Ich ha siit langem wieder emol is Bett gmacht
Sehr piinlich gsi, well ich bi grad i de IKEA gsi und