[Testo di "Fuje Tanno"]
[Strofa 1: Luchè]
Respiravo tutt''e sere 'o stesso addore
Nu misto tra cemmente e fierro
E nuje fiere 'e nasconnere 'o core
Orgoglio che fà ciente all'ora
'E diente gialle 'e dialetto
Je vesteve sportivo, maglia rosse e croce 'mpietto
'E sorde hann''a ascì a fforza, 'a forza 'e magnà a muorze 'a vita
Na bara 'mpietto 'o primmo tatuaggio che vedette, a 'gnostre nire
E ll'uocchie mi' tantille annanze a 'sti bicchieri chine
Fravele e champagne, 'e fierre senza muorte 'ncuollo
E vvire, p''e sorde 'e carta 'nce sta 'o riesto, volene liggiere
Cchiù 'e n'omme c'ha perzo 'e cchiave 'e ll'anema appriesse 'e zere
Quanti corze a pere arete 'o fummo d''a musica
Giuro, je resto overo finché 'e sorde nun m'abbruceno
E accuseno che 'e parole meje so' finte
Appicce 'e fare ca nun veco 'o dimane
È luntane, è nu dito, è na mano, ah
Femmene annude, e 'a vanità 'nfoca
'E frate' faveze fanne pesà 'e piacere
Liquore 'nmane 'a sera
[Ritornello: Ntò &
Luchè
]
È meglio niente 'nzieme ch'essere ricche sule
Ll'uocchie miezze chiuse, ah, fuje tanno
'O treno ca ce passe 'ncapa, 'e sorde 'int''e poker
Fa friddo ê mmane 'a sera, ah, fuje tanno
Perplesse 'e prufessure, 'a vita dint''e studie
Signore, aiutece ccà fore, ah, fuje tanno
Te scuorde ch'ire ajere, ispirazione è perza
Te siente priggiuniere, ah, fuje tanno
[Strofa 2: Ntò]
'E labbre ca abbruciaveno comme 'o curaggio d''e buciarde
Meliune d'euro parchiggiate, 'e strade addò faje 'o giallo
Poco distante dieci perzune, doje stanze, 'e guagliune
E 'o carattere eccessivo ch''e ffa vattere
Scarpe nove, barbe longhe comme 'e storie che racconte
Dint'ô sfondo 'e nastre 'e Patrizio
"Tengo vint'anne", frase triste, fuje tanno
'E statue a Cristo c''e sorde d''e ddose
Mo addora 'e rose addò Nello arreposa pe' sempe
Penzo che serve a coccosa comme 'o cunziglio 'e nu pate
Segge avutate 'o cuntrarie, alcol e discorze
Tra l'isola 'e Nisida fino ê Secondigliano
C''o fisico, 'e libbre 'mmano, o libberi c''e calibre
Destine scritte o scelta 'e vita?
'E lluce blu t'abbitue, fridde te difiende, 'nn te fide
Na melodia accumpagne l'odio
L'edicola fernesce 'e cronache
'Stu posto proveche rummore e commuove gli ipocrite
X5, sale bingo, dicci chi sfaccimme sî
[Ritornello: Luchè &
Ntò
]
'O treno ca ce passe 'ncapa, 'e sorde 'int''e poker
Fa friddo 'e mmane 'a sera, ah, fuje tanno
È meglio niente 'nzieme ch'essere ricche sule
Ll'uocchie miezze chiuse, ah, fuje tanno
Te scuorde ch'ire ajere, ispirazione è perza
Te siente priggiuniere, ah, fuje tanno
Perplesse 'e prufessure, 'a vita dint''e studie
Signore, aiutece ccà fore, ah, fuje tanno
[Strofa 3: Luchè &
Ntò
]
E 'a musica 'e vvote calmava, 'e vvote schizzava
Je annascunnevo 'e riflessione aret''e casse e aret''e schiaffe
Papà guardava 'a luntano strignenno 'e mmane
Cagnaje 'a fila 'e late c''a capa rasata
E ll'uocchie suoje lucide, e dint''e mieje 'a fiducia 'nu limite
Criscenne addò 'sta raggia ce fa sentì allere
Mmane, manette, carenze d'affetto
Pierde 'nu figlio ô marcipiede 'e rimpetto
'St'abbraccio nun è perfetto, fuje tanno c'ho capette
E ancora cunfedenza, sentimente c''o 'nteresse
P'abbitudine, ex malavituse, giuvene nervuse
Robbe 'int''a cucina e fucile sotto 'o siggiulino
Saglie 'o palco, 'a Caracciolo, 'e palme
'E ppalle nun so' 'e chi spara, lente fumè
Cu'mmé ce l'haje? Sî nu violento, e te disturbe subbito? Stupido
Maje lassate â questura fotografie e 'mpronte pecché je capette forze
Ch'her''a brucià 'a bandiera 'e l'obbedienza all'uniforme
[Ritornello: Luchè &
Ntò
]
'O treno ca ce passe n'capa, 'e sorde 'int''e poker
Fa fridde ê mmane 'a sera, ah, fuje tanno
È meglio niente 'nzieme ch'essere ricche sule
Ll'uocchie mieze chiuse, ah, fuje tanno
Te scuorde ch'ire ajere, ispirazione è perza
Te siente priggiuniere, ah, fuje tanno
Perplesse 'e prufessure, 'a vita dint''e studi
Signore, aiutece cca fore, ah, fuje tanno