Letra de Köllefornia

Et es zo spät, et es vorbei
Keine Schnie em Winter un em Sommer vill zo heiß
Mer sin zo vill jefloore, selvs vun Hamburg noh Berlin
Mer han et all verbrode: Kohle, Erdjas un Benzin
Em Meer versunke: Düsseldorf, Paris un Amsterdam
Ävver dofür fährt die 13 jetz treck am Meer entlang
Un dat jefällt mer persönlich eijentlich janz jot
Et Neptunbad hät zo jemaat
Mer schwitze einfach puddelrüh om Aldermaat
Lindenthal weed Palmental jenannt
Un hingerm Mauenheimer Jödel litt d'r Badestrand
Mer han Fieber (dat nie mieh erunger jeiht)
Un e prima Klima (weil et nur noch in d'r Skihall schneit)
Un statt em halve Hahn zom Kölsch dobei
Jitt et halve Papajei
Willkomme en
Köllefornia (Kölle Kölle Köllefornia)
Köllefornia (Kölle Kölle Köllefornia)
Mer lääve all en d'r Sunneschingstadt
Un brode uns e Spiejelei - medden op d'r Domplaat
Köllefornia - he bei uns am Rhing
Mer weede brung en d'r Stroßebahn, janz relaxt
Denn die KVB hät alle Däächer affjeflex
Un dann em Jrussstadtdschungel op Safari jonn
Un de Fischzupp koch vun selvs em Aquarium
Mer han Fieber (dat Thermometer steicht)
Un e prima Klima (un dä Iesmann, dä is rich)
Fahr op et Meer erus, mem Böötche vun d'r KD
Zom Pääletauche an d'r Kö
Schöne Jroos us
Willkomme en
Köllefornia (Kölle Kölle Köllefornia)
Köllefornia (Kölle Kölle Köllefornia)
Mer lääve all en d'r Sunneschingstadt
Un brode uns e Spiejelei - medden op d'r Domplaat
Un Tutti Frutti müsse mer nit mieh importiere
Mer dun jetz Bio-Zitrusfrüchtsche us em Veedel schnabuliere
Litschis us Longerich, Papayas us Porz
Melone us Müllem un Zitrone us Zollstock
Maracujas us Merkenich un Kiwis us Kalk
Banane us Bickedorf, jo, sujet jitt et all en
Willkomme en
Köllefornia (Kölle Kölle Köllefornia)
Köllefornia (Kölle Kölle Köllefornia)
Mer lääve all en d'r Sunneschingstadt
Un brode uns e Spiejelei - medden op d'r Domplaat