Cancion : Reginella
Artista : Roberto Murolo
Album : Italian Classics (50 Beautiful Songs from the Past)
Url : https://www.letras10.co/letra-reginella-de-roberto-murolo


[Strofa 1]
Te si' fatta 'na vesta scullata
Nu cappiello cu 'e nastre e cu 'e rrose
Stive 'mmiez' a tre o quatto sciantose
E parlave francese, è accussí?
Fuje ll'autriere ca t'aggio 'ncuntrata
Fuje ll'autriere a Tuleto, 'gnorsí...
[Ritornello]
T'aggio vuluto bene a te!
Tu mm'hê vuluto bene a me!
Mo nun ce amammo cchiù
Ma 'e vvote tu
Distrattamente
Pienze a me!
[Strofa 2]
Regine', quanno stive cu mico
Nun magnave ca pane e cerase
Nuje campávamo 'e vase, e che vase!
Tu cantave e chiagnive pe' me!
E 'o cardillo cantava cu tico
"Reginella, 'o vò bene a 'stu rre!"
[Ritornello]
T'aggio vuluto bene a te!
Tu mm'hê vuluto bene a me!
Mo nun ce amammo cchiù
Ma 'e vvote tu
Distrattamente
Parle 'e me!
[Strofa 3]
Oje cardillo, a chi aspiette stasera?
Nun 'o vvide? Aggio aperta 'a caióla!
Reginella è vulata? E tu vola!
Vola e canta, nun chiagnere ccá
T'hê 'a truvá 'na padrona sincera
Ch'è cchiù degna 'e sentirte 'e cantà
[Ritornello]
T'aggio vuluto bene a te!
Tu mm'hê vuluto bene a me!
Mo nun ce amammo cchiù
Ma 'e vvote tu
Distrattamente
Chiamm' a me!


========================== Letra descargada de Letras10.co ==========================