Video de Napule e Surriento

Surriento. 'A luna chiara
E ciento varche cu ’na stella a pprora
Che pace! E che friscura
For'a 'sta loggia a mare, ’int'a 'sti ssere!
Tengo vint'anne ancora
Bella, vicino a te!
Dorme Surriento
'Mmiez'addore d' 'e ciardine
Che sentimento
’Sti cchitarre e manduline!
Rimpetto, Napule
Sì e no, se tocca...
Vocca cu vvocca...
Te voglio, Marì!
Te voglio! E senza voce
Mme sbatte ’o core e pare ca te dice:
"È 'o mare! È ’st'aria doce!
È 'ammore! È 'ammore ca mme fa felice!
Giuro cu ’e bbracce 'a ccroce
Ca nun te lasso cchiù!"
Dorme Surriento
'Mmiez'addore d' 'e ciardine
Che sentimento
'Sti cchitarre e manduline!
Rimpetto, Napule
Sì e no, se tocca...
Vocca cu vvocca...
Te voglio, Marì!
Oje luna, oje bella luna
Ch'a Napule tramunte chianu chiano
Fermate a Margellina
E di' a chi penza a me ca stò luntano:
"Surriento è 'na catena
Ca nun se pò spezzà!"
Dorme Surriento
'Mmiez'addore d' 'e ciardine
Che sentimento
'Sti cchitarre e manduline!
Rimpetto, Napule
Sì e no, se tocca...
Vocca cu vvocca...
Te voglio, Marì!