Video de Spelen In Berlin

[Instrumental intro]
'k weet nie waar da'k moe beginnen
En misschien is 't de waarheid nie
Pak et mee, of laat 't waaien
'k was er zelve ook nie bie
Wanneer of waar dat'm was geboren
'ken zijn naam e' toenaam nie
'kan'r geen bronnen bie vermelden
Ma 'k vertel et want 't is ook verteld aan mie
't was een ventje van nie veel
Misschien was 't wel ne klucht van God
Z'n oders hadden der al negеne
Em kreegt den overschot
Hij was niе rap in rekenen
En schrijven viel em zwaar
Schrijven kost die nie me rechts
En klappen deed die ook'n betje raar
Ma bij ieder loperkoerse
Liept ie em als eerste binnen
Twas echt moeilijk vo daar in 't dorp
Ne concurent te vinden
Twas me verslunste blommen
En ip 't schavotje ip 't kerkeplein
Ma em stond in gedachten al
Ip de spelen in Berlin
Hij trainde ip de trappen
Van de torre van de kerke
Liep de bene va zen lijf
Zijn broere vroeg: "Moe gie nie werke?"
Zijn moeder zei: "mo ventje toch
Zie da'j u nie forceert
Kom beter in de kerke
Zie da'j God den Here eert"
"Ach, jonge," zei zijn vader
"G'e geen recht van te bestaan
Kom maar mee naar de fabrieke
Hij ga wel weten wa'k gedaan
En zij't dan klaar me werken
En e'j der dan nog goesting in
Dan kun'j van mie altijd wel ne kier
Gaan spelen in Berlin"
"Ma vader lust'rd efkes
Ge versta mie eel verkeerd
Ik ben mie up aant warmen
Voor et land mij selecteerd"
En ie wierd ook opgeroepen
Mar et was nie vo de sport
Zen land da had'm nodig
Want ze kwamen volk tekort
Dus ie ging em aan gaan melden
In een dichtbijzinde post
Den officiere die vroeg em:
"Wa doe'j gie voor de kost?"
"'k Ben een schicht achter men uren
'k ben een haze van beroep"
Ze zeiden: "Vent, da komt goed ut
Dan zijt'g de rapsten van den troep"
Van den oorlog wist hij niets
Want hij was echt nie slim
Mar ip kaarten lag het front toch wel ip weg
Nar de spelen in Berlin
[Bridge]
Vor 30 meter winste ging'n der 30 duzent aan
Vor 13 dagen later weer die meters af te staan
"Maar em, em ad geluk", da zei de kapelaan
"Ne kogel in uw been, vor u is'd oorlog al gedaan"
Ze pakten zijn bazatse
En ze zet'm ip de trein
"Wie wet kun'd nog gaan kieken
Naar de spelen in Berlin"
[Instrumental break]
Hij mankte deur zijn dagen
't was zijn latste jaar
Hij was nie goe in kreupel zen
't leven viel em zwaar
Onder verslunste blommen
En bij 't kerkenplein
Daar ligt die nu te rusten
En ip zen grafsteen staan de zinnen:
"Meedoen is belangrijk
Ma die da'j nooit kun winnen
En zijn z'uitendelijk afgelast
Die spelen in Berlin?"