Letra de Bizitza Triste Eta Ederra

Marokko Atlas aldea
Asni herri merkatuan
neska berebiar baten begiak

Ometepe uhartean
kamioi batean hamaika
ilunabarra gorri beroa

Mexico taxi batean
buru atzean, bortitza,
pistola kanoi baten taktoa

Pasaiako amildegian
gauean larruzko txupaz
beltzaran hura nere gainean

"Viva la vida" esaldia
Frida Kahlo-ren koadroan
margotu zuena hil zorian

Bizitza triste eta ederra
itsasoa ilun samar
eskegi gabe telefono bat
bizitza triste.