Letra de Mondnacht

[Verse 1]
Verschloffä i Duunä
Verschwummä im Dunst
Verloffä im Dschungu
Tappä im Dunklä
I verfauä am Ruusch
Verschauä im Ruum
U d Ougä si zuä
Idä Ohrä dr Puus
Ds pochendä Bluet
Ds trochenä Mu
Helikopter im Buch
I verfougä di Spur
Ha mi trout u di gsuecht
D Ougä si zuä
I ha gloubt es chunnt guet
I ha ghofft bis am Schluss
I ha bhouptet 's git Wunder
Doch 's isch doch nur e Flucht
Dä Docht isch ä Luntä
U d Ougä si zuä
[Hook]
Ha mi verlorä im Du
Haus über Chopf i di Fluet
Verlockendä Duft
Verboteni Frucht
I wott di, verfluecht
Ha mi verlorä im Du
Wär fasch versoffä ir Trur
I ha kochet vor Wuet
Ha tobet u gfluecht
Verbrochä dr Chrueg
[Verse 2]
I schiebä Para, gseh dis Gsicht a jedem Eggä
Schribä Dramä, dini Gschicht i jedem Text
Wedä wetsch chönntsch ä Houptrouä ha
I däm Duett, derä Soap Opera
Ig u du, amour fou
Nume Wünsch, unerfüut
Nume gspürt, unergründlech
Nidmau Fründä
Numä Hürde
Numä Gstürm
I mah nümme
Zieh mi zrügg, i chündä
I verblüetä, küss mi
I bi wüetig, we du wüsstisch
Ds isch würklech ä Enttüschig
Üses Glück isch so tückisch, ah
Übermuet isch gfährlech
Mi Versuech isch kläglech
Mir is huerä ähnlech
Nüt
Aus numä Fantasie
De lahnis haut la si
[Hook]
Ha mi verlorä im Du
Haus über Chopf i di Fluet
Verlockendä Duft
Verboteni Frucht
I wott di, verfluecht
Ha mi verlorä im Du
Wär fasch versoffä ir Trur
I ha kochet vor Wuet
Ha tobet u gfluecht
Verbrochä dr Chrueg
Ha mi verlorä im Du
Ha mi verlorä im Du
Ha mi verlorä im Du
Wär fasch versoffä ir Trur
I ha kochet vor Wuet
Ha tobet u gfluecht
Verbrochä dr Chrueg
[Outro]
's isch numä Fantasie
I chumä ganz in Wiss
I derä Mondnacht
's isch numä Fantasie
Numä ä Troumtanz
Strichlä es Blatt Papier
Umarmä ä Boumstamm
's isch numä Fantasie
Leider nur Glanz u Schiin
De lahnis haut lah si
U bi wider ganz bi mir
's isch numä Fantasie
Leider nur Glanz u Schiin
De lahnis haut lah si
Bi wider ganz bi mir