Video de Große Aufregung

[Strophe 1]
Es regt mi auf, dass manche Leid oiwei nur Bledsinn daher redn
Es regt mi auf, dass du mi aufregst heid, und zwar extrem
Es regt mi auf, dass mir im Januar minus 15 Grad hom
Es regt mi auf, I hät vü liawa 25 Grad plus im Schottn
Es regt mi auf, wennst in da 50er Zone, vor mir 30i fahrst
Es regt mi auf, wennst auf da Autobahn, wiara Gstörter rast
Es regt mi auf, dasst du di ständig über ois aufregn muast
Es regt mi auf, wennst hinter mir stehst und mir in mei Knack nei huast
[Refrain]
Reg di ned auf, reg di ned auf
So is as Lebn, so gehts dahi
So nimmt des olles seinen Lauf
Reg di ned auf, reg di ned auf
Monche Sochan gehn ned weg
De nimmt ma besser moi in kauf
[Strophe 2]
Es regt mi auf, dass I seit 2 Stund scho bam Schofkopfa valier
Es regt mi auf, I woat hiats scho seit 2 Minuten auf mei Bier
Es regt mi auf, dass wenn I hoam wui, oiwei mehr koa U-Bahn fahrt
Es regt mi auf, dass unser Nochbar in da Fria scho Rosn maht
Es regt mi auf, wenn dei Freindin wieda lautstark lamentiert
Mi regts bloß auf, wenn da Marcel Reif bam Fuaßboi kommentiert
"Funktioniert immer wieder"
Es regt mi auf, dass mei Auto scho wieder ned ospringt
Es regt mi auf, dass da Nachbarshund mi jeden Tog ospringt
"Reim des Jahrhunderts"
[Refrain]
Reg di ned auf, reg di ned auf
So is as Lebn, so gehts dahi
So nimmt des olles seinen Lauf
Reg di ned auf, reg di ned auf
Monche Sochan gehn ned weg
De nimmt ma besser moi in kauf
[Bridge]
Oa Soch, de woase eifoch gwiss
Monches muas ma nehma, so wias is
Mir Männer wern eich Frauen nia vasteh
Die Erde wiad se trotzdem weida drehn
Da Erdball wiad se trotzdem weida drahn
Und a jeder Mo, der losst im Bett amoi oan fahrn
[Refrain]
Mochs Fenster auf, reg di ned auf
So is as Lebn, so gehts dahi
So nimmt des olles seinen Lauf
Reg di ned auf, (mochs Fenster auf!) reg di ned auf
Monche Sochan gehn ned weg
De nimmt ma besser moi in kauf
Reg di ned auf, reg di ned auf
So is as Lebn, so gehts dahi
So nimmt des olles seinen Lauf
Reg di ned auf, reg di ned auf
Monche Sochan gehn ned weg
De nimmt ma besser moi in kauf
Und deswegn moch ma uns jetz a scheene Hoiwe auf