Letra de Kontraesanak

Somaliara eskoltekin
doazen arrantzaleak
ertzaina eta laguna
erdaldun abertzaleak
liderrak agindu dezan
egindako asanbleak
iraultzaile eta mutua
lokatzetan jeltzaleak.
Ehiza ta zezenen kontra
dauden haragijaleak
bakegileak kartzelan
dauzkaten bakezaleak
lapurrak egazkinetan
ta berez lepo kaleak
ta beldurra emateak
atariko eskaleak.
zenbat gernikako kuadrok
du parean telebista
martxoak zortzian more
bederatzian matxista
zergatik daude beterik
esgae bertsolariz ta
putetxeak monogamoz
alarde militarista.
Udan sharako haur bat
hartzen duen arrazista
furgona nuklearrik ez
eskatzen ekologista
herrian apalankatu
uztailean brigadista
ta eztarri urratuetan
kokakola baten txispa.
Horma zuzenetan
ispilu etzanak
gure konbikzio
ta kontrasanak.
Txikitero antidroga
made in Taiwan ikurrina
inoiz Larrun igo gabe
Himalayara trekiña
palestinodun barbiak
agro pijoen lurrina
Ziberu zale askoren
egozentrismo zikina
ekologiko jateko
Peruko kalabazina
ametsetako ezkontza
lagunen bizkar egina
pirritxen hile arroxa
eta porrotxen urdina
zugan ikusten dudana
nigan ikusi ezina.

Horma zuzenetan
ispilu etzanak
gure konbikzio
ta kontrasanak.

Horma zuzenetan
ispilu etzanak
gure konbikzio
ta kontrasanak.